中咗《延禧》毒！罗志祥爆笑扮“尔晴”
20180828
东网电视
更多新闻短片
又几入戏啵！
内地宫廷剧《延禧攻略》吸引唔少圈中人追睇，虽然内地已经播出结局，不过仲有好多人似乎抽离唔到。好似台湾艺人罗志祥（小猪）咁直头着咗魔，佢喺社交网换上宫延服扮“尔晴”（苏青饰演），仲拍片夹晒口形讲出戏中对白“我今天就要让你知道，甚么叫规矩，甚么叫提桶（体统）！”佢仲边讲边做出尔晴畀“魏璎珞”（吴谨言饰演）怒掴一巴嗰场戏，见佢真系“提桶”然后扮被掴，七情上面仲被掴到跌低，搞到嘴都歪埋，连个头饰都甩咗，真系入戏太深！好多网友都话笑爆嘴，话：“朱碧石终于有了姊妹，笑死。”、“尔晴上身”。
----------------------------
东网巨星开咗ig喇，大家快啲follow啦！