富察皇后機場遭鹹豬手 秦嵐苦笑就範

20180828
東網電視
更多新聞短片
人紅自然多人圍,秦嵐喺上海機場遇上「癡情」粉絲,用笑功擺脫對方,獲網民讚賞。
「富察皇后」又出巡喇!為咗宣傳人氣宮鬥劇《延禧攻略》秦嵐周圍飛,尋日嚟到上海谷戲,甫出機場禁區已經有粉絲等候,人紅後佢都習慣咗畀人圍,而且好似幾享受呢種感覺添!不過,今次被一名熱情粉絲突襲,咁就唔多開心喇!
呢名頭戴白帽充滿佬味嘅女粉絲一手就搭實娘娘肩頭,娘娘立時加快腳步撇甩對方,點知呢位粉絲亦跟得好貼,仲好似有進一步行動添,娘娘好醒目、好得體邊行、笑邊、邊擺甫士避開對方「進攻」,最後成功擺脫呢名粉絲離去。
做藝人真難,唔紅冇人嚟接機又煩,紅咗有啲咁嘅粉絲嚟接機仲煩,網民大鬧這名粉絲鹹豬手博晒懵,仲大讚37歲嘅秦嵐少女味十足,溫柔可愛識做人。
----------------------------
東網巨星開咗ig喇,大家快啲follow啦!