推過億片酬！霆鋒竟然係為咗…
20180831
東網電視
更多新聞短片
霆鋒估計推掉過億片酬。
由唱歌拍戲轉型做廚神的謝霆鋒，原來連農夫都撈埋！自從愛上入廚，他就在香港家中種植香料，而北京的寓所因屋後有個大花園，他就索性務農種菜自給自足：「我仲有種番茄、辣椒，自己種嘅菜安心啲。」更經常摘菜帶返公司，親自給員工下廚。霆鋒坦言很多新世代不知道他唱歌出身，拍戲攞過影帝，甚至他為內地選秀節目《中國好聲音》擔任導師，竟然有學員向他請教煮食問題，而非音樂，令他啼笑皆非。
除了忙於錄影《中》，第二季的《鋒味》已展開拍攝，計劃到土耳其取景。除此之外，霆鋒還要兼顧《鋒味》的生產線，因為公司推出了巴馬火腿蓮蓉迷你月餅，更擲過百萬在香港紅隧入口鋪天蓋地買下巨型廣告，他更將經典歌《活著Viva》、《愛後餘生》、《曝光》等歌詞套入廣告：「我真係想將我嘅月餅、曲奇變成香港代表嘅手信，分享到世界各地。」
瞓身自家品牌生意的他，已有兩年沒接戲，據知每月都有2、30個電影、電視劇本讓其經理人揀選，兩年保守估計推掉過億片酬，但霆鋒不為所動，皆因一心不能二用，他說：「得一個謝霆鋒咋！」目前其工作已排至明年初。
----------------------------
東網巨星開咗ig喇，大家快啲follow啦！