與年輕歌手合作？鄭伊健：同佢哋未夾得埋
20180901
東網電視
更多新聞短片
鄭伊健話自己唱嘅歌可能同年輕歌手未夾得埋。
藝人鄭伊健以壓軸神秘嘉賓身份，與同門歌手演出音樂會，化身訓導主任的他出場時大家即刻歡呼尖叫，他與大家合唱《友情歲月》、《Together》等歌。
每個年紀唱唔同嘅歌
受訪時他表示可惜因天雨關係，由文化中心搬到電台舉行音樂會，但很開心可以一齊玩：「雖然依家樂壇市場細咗，但自由度大咗好多，依家唱幾多都得。」問到今次他可有份構思？他說：「佢哋嗰日開會希望說服我做，我諗起以前電台暑假會有好多呢啲活動，覺得回味一番都幾好。」問到今次之後可有意與年輕歌手合作？他笑言：「玩吓幾好，每個年紀唱唔同嘅歌，但我哋唱嘅歌可能同佢哋未夾得埋。」
新戲獲朋友包場睇
問到他幾時唱番歌？他笑言：「睇吓啦，台上嘅騷睇機會同睇緣分，好多因素，我自己做騷都已經係8年前，跟住就同『古惑仔』。」隨即不忘幫新戲宣傳，問到之後可會去謝票？他表示：「都會，但睇吓用咩方法，同埋啲朋友好好，有啲已經包咗場，問我哋可唔可以去謝票，我哋就話好呀。（要走好多場？）唔介意，香港好細啫，長有長做長謝！」
----------------------------
東網巨星開咗ig喇，大家快啲follow啦！