老友掩護　吳業坤約會脹爆日本人妻

歌手吳業坤外表雖然一副戇男咁款，但曾被指口花花逢女都撩、最鍾意溝女，不過出道多年的他至今依然一支公，近日業坤被影到深宵密會脹爆長髮女，兩人在餐廳內暗坐一角，親密地貼頭睇餐牌，當發現被人偷影，疑急call老友陳國峰、莫家淦到場幫手「掩護」。吳業坤回覆東網：「佢係『巨聲3』廣美知子，我都識得佢老公，其實當日我哋仲約咗其他朋友Penny（陳國峰）、莫家淦，只係我哋到先啫，就係咁簡單。（嗰日廣美知子老公喺度？）嗰日佢唔係度，我哋一班人食飯啫，本身我同佢同Penny熟啲，跟住阿淦踢完波同Penny一齊過嚟。」