有心有力！52歲郭富城傳再做老竇

52歲天王郭富城日前幫囡囡Chantelle慶祝一歲生日，今日有消息指，佢就嚟再做爸爸喇！日前喺囡囡生日會上，佢同在場人士講「雙喜臨門」，但由於佢依家拍緊電影《麥路人》，佢入晒戲，冇咩點表露出喜悅之情。老婆仔方媛依家先31歲，城城有心又有力，努力追多個B，依家有消息傳出，真係恭喜晒！

城城經理人小美回應：「我現階段就未收到呢方面喜訊嘅消息。不過，如果係真嘅，亦都肯定係開心事。我當然希望聽到好消息，亦都希望大家畀多啲祝福城城。」