好事多為！宣萱畀古天樂「隊」到傻笑

由爾冬陞監製、馮志強執導及古天樂、張繼聰、宣萱等主演的電影《犯罪現場》，經過約3個月拍攝，日前於凌晨時分終於煞科，眾人更開香檳慶祝。爾冬陞帶頭「吹喇叭」，大家玩得相當盡興，而開香檳慶祝後，全組最後煞科的宣萱即埋位演出最後一場戲，向來酒量淺的她「酒後」開工，反而有意外驚喜，且笑說：「初初飲酒我都冇事，後來古仔走埋嚟再倒多大半杯畀我，同我乾杯就出事啦，個人開始傻笑！點知反而拍出嚟效果好好，因為場戲講我視力有問題，飲咗酒對眼有啲focus唔到，完全有嗰個感覺，導演仲話早知我哋每次飲少少酒先拍啦！」

宣萱多年後再次與古仔合作，兩人默契依舊：「初初開工都有啲擔心，古仔喺現場好認真，拍多兩日之後，發現古仔依然係古仔，有咩事都有傾有講，所以所有嘢都好舒服好順利！」