藍奕邦公開信鬧爆郭偉亮係恐同「慣犯」
20180907
東網電視
更多新聞短片
愈鬧愈大。
音樂人郭偉亮（Eric Kwok）擔任ViuTV選秀節目《全民造星》嘅導師，日前Eric喺社交網以英文發文：「This was a memorable day. I'll never forget when I walked in the room, the first thing I asked these boys was, “Raise ur hand if you are not gay！（呢個係一個難忘嘅日子，我永遠唔會忘記當我行入房，第一件事就係同班男仔講：『如果你唔係同性戀者，請舉手！』」呢個留言論引起軒然大波，Eric Kwok被圍插指佢「恐同」，「關懷愛滋 AIDS Concern」嘅fb都發聲明回應。
Eric Kwok事後已將自己該博文刪除，並再發文指為大家造成麻煩感到抱歉，話令人感到不安，絕對唔係佢嘅意圖。不過事件今日仍然繼續發酵，一向關注性小眾社群嘅歌手藍奕邦喺自己各個社交平台以英文撰寫咗大篇文章指係畀Eric Kwok嘅公開信！
內容大概講到佢覺得Eric Kwok係慣犯而唔係無心之失。藍奕邦講番之前同Eric Kwok合作，私下傾偈嘅時候Eric Kwok非常友好，但當有觀眾或者媒體嘅時候，佢就會開始講一啲帶暗示性、貶低佢嘅同性戀笑話。
藍奕邦指，Eric Kwok多次出現呢啲情況，開始覺得Eric Kwok係敵意，感覺似欺凌。佢指自己冇做錯啲咩，唔知點解要承受呢啲難堪、尷尬，提出Eric Kwok係咪好憎佢？佢係咪覺得咁樣好得意？自己係咪得罪咗佢？等問題，並且話自己開始驚同Eric Kwok一齊工作，仲話要其他人公開同性性取向係邪惡嘅行為。佢話Eric Kwok早前嘅道歉發文指自己尊重同性戀，但佢嘅逼人「出櫃」嘅行為實際上係標籤同突出咗佢哋，為觀眾帶嚟咗一個好差嘅示範。藍奕邦仲講到多年嚟喺娛圈中遇到了好多人喜歡以同性戀為笑柄，都係帶歧視性和貶低的。
而Eric Kwok對藍奕邦呢封公開信暫時未有回應。
----------------------------
東網巨星開咗ig喇，大家快啲follow啦！