祝福謝婷婷被網友攻擊　欣宜完美反駁

藝人鄭欣宜同謝婷婷自小喺加拿大生活，由細玩到大感情相當要好。今日（7日）係謝婷婷生日，欣宜好有心咁喺社交網上載咗一張兒時合照，仲留長文恭祝對方生日快樂，她用英文表示：「喺呢個咁特別嘅日子，我想上載呢張相片，祝一個特別嘅人生日快樂。你曾經叫我答應唔好上載呢張相，但我覺得呢個係個盟約，去表現出所有醜小鴨都有希望，雖然我從來都無變成一隻優雅、高貴嘅天鵝，但起碼我哋其中一個依家係。生日快樂，婷婷姐姐。」

點知一個咁有感情嘅post，惹來網友留言：「你全靠父母，不是父母，你什（甚）麼都不是。」對於無理攻擊，欣宜未有退縮並留言反擊：「你說得對。我們全部都是。」不少網友讚佢EQ相當之高，連藝人張繼聰都留言話佢BRAVO（好極了）。