撐工藤佑采黑面？唐麗球欣賞：畀我都會

前港姐唐麗球出席慧妍雅集活動時大讚新一代的港姐又乖又聽話，很歡迎年輕的新力軍加入。對於今屆港姐，她也有留意，對於落選佳麗工藤佑采在落選後伴舞時黑面，她力撐對方：「畀我都會，係人之常情，呢啲係真我個性，好難得，有啲人可以做到出嚟係冇嘢，有啲人就唔得，呢啲係佢嘅個性，我好欣賞佢，唔覺有問題，人係有情緒。（會唔會覺得唔夠大體？）我冇睇，唔知佢黑面程度有幾黑。以前落選港姐唔需要再表演，有啲人會覺得難受，有啲人會樂意。」不過對於工藤在網上爆罵戰？她認為不該：「咁就唔係咁好，原本都唔係好大件事，唔好喺網上互相攻擊，形象唔好，大家又會難受，唔好喺網上製造呢啲嘢。」