工藤佑采鐵粉咬住黃心穎唔放：正八婆

落選港姐工藤佑采風頭仲勁過三甲，當晚落選嘅佢之後畀師姐黃心穎批評，點知觸動到工藤神經，因此於網上隔空大鬧，心穎之後仲話唔想同佢扯上任何關係！

唔好以為唔出聲就冇事，有位工藤佑采粉絲開咗個IG，仲寫明「黃心穎條XX八婆」，連日來做鍵盤戰士攻擊心穎！尋日心穎只係上載張飲嘢相，點知呢位粉絲不斷進擊，留言：「有史上最醜嘅港姐！」、「期待你同馬明喺旅行中分手收場！」

咁都未夠，今日心穎上載張泳照，吸引唔少粉絲同朋友畀Like，其中胡蓓蔚留言話想要正面，點知都突然「中槍」，畀嗰位工藤佑采粉絲話：「唔使正面啦，佢都冇身材，豹嫂你身材仲好過佢！」

雖然心穎係咁畀人攻擊，但見佢真係冇理過嗰位粉絲，極為冷靜，唔知馬國明見到會唔會心痛呢？