N年後見！林文龍爆怕醜妹鍾嘉欣變開籠雀
20180909
東網電視
更多新聞短片
林文龍同鍾嘉欣喺劇中飾演情侶，唔知會有咩火花呢？
藝人林文龍現身宣傳無綫新劇《再創世紀》，現場有粉絲及演員們大叫他為「龍爺」，他即幽默笑指「鼎爺」（李家鼎）已唔拍戲轉戰煮幾味，又自誇煮公仔麵有一手，而太太郭可盈亦試過其手勢，故也想取替李家鼎的「爺」級位置。
對於被同場的楊怡及郭晉安整蠱，文龍揚言視力正常：「佢哋遞到咁近，梗係睇唔到，人之常情。（你拍劇時亦曾被整蠱？）係，因為我嘅角色好孤獨，佢哋就成日食同玩，所以就搞我，不過都帶咗好多歡樂畀我。」
談到鍾嘉欣於錄影片段中感謝他，他坦言二人直至拍新劇前有多年沒有見面，更回憶當年拍攝《法證先鋒》系列時，如今嘉欣整個人轉變了不少，他謂：「開朗晒！依家會主動溝通，以前嘅佢會驚，唔敢講，但依家乜都講。佢講同老公相識到結婚、生小朋友同之後嘅計劃，所以大家唔使訪問嘉欣，問我就得。（鍾嘉欣近日生仔，你有冇恭喜？）第一時間恭喜咗！佢好有勇氣。」
----------------------------
東網巨星開咗ig喇，大家快啲follow啦！