處男港騷!李思捷搞笑晒黎明金句
藝人李思捷在九龍灣開音樂會,請來何雁詩任嘉賓,他表示今次是應邀演出,是他首個香港個人騷,會上台唱歌兼講笑話,他說:「都係做自己嗰範,當開個Party。(講咩笑話?)不嬲唔踩人,用幽默方式演出,未試過得罪人,或者講吓黎明金句。(講埋佢個B女?)又冇,或者我台上講幾句。(恨生番個?)恨㗎,呢啲嘢冇得Plan,我都要努力啲,都唔係後生仔喇,樣樣都要畀心機。(進行中?)唔答,太八卦喇!時間人物地點適合就會進行。」
他指何雁詩人靚唱歌好聽,因此請她齊齊演出,二人將合唱《來夜方長》,他說:「我冇自己歌,所以都係模仿,呢四十幾年我都未搵到自己把聲,好彩觀眾都受落。」他又指適逢媽咪生日,會在二千人面前送上蛋糕慶祝:「會送一個廚神蛋糕,佢曾經贏過TVB廚神比賽,鍾意人咁叫佢。(帶女仔試媽咪手勢?)都係時間地點人物,同埋緣分。(有指有訂婚對象?)講呢啲我真係冇黎生咁叻!我會努力。」
----------------------------
東網巨星開咗ig喇,大家快啲follow啦!