孕味濃？工作狂陳嘉寶轉口風：小朋友是禮物

現年28歲陳嘉寶（Anjaylia）去年十一月與富二代兼滑水健將黃頌祈結婚，經過九個月的時間，被指終於成功「造人」！早前有街坊於銅鑼灣鬧市，見到Anjaylia身穿鬆身Ｔ恤購物，一向手腳纖瘦「細細粒」的她，手腳帶點水腫、全身「圓碌碌」，加上肚凸凸，孕味甚濃，估計應懷孕超過三個月，近日更被指在社交網上「露口風」，在社交網站放童年照，被好友追問是否「你女兒？」她亦不避嫌回覆「I wish」，講到明恨生小朋友。

查實今年七月，Anjaylia與幸福媽咪陳茵媺同場，她亦已由結婚當日講明「以工作行先」轉口風為「小朋友是上天的禮物」，仲話羨慕茵媺生完三個都好像沒生過般，她亦很想跟對方一樣，未知是否暗示自己都想生三個？！