同林峯聚少離多出事　吳千語唔認有新歡

藝人吳千語到銅鑼灣出席髮型屋剪綵，她表示因要飛來飛去工作暫時沒有時間搞生意，但對飲食生意也有興趣，要看會否遇到合適拍檔及機會。

講到感情狀況，吳千語表示單身，與前度林峯還是朋友，但沒有特別聯絡。講到拍拖，她說：「認識吓先，唔係唔知道自己想要咩。（有米緋聞男友施伯雄？）比較少時間了解。但係有拖拍都好正常，唔係專登保持單身，要睇緣分，同埋有冇機會相處。」

近期在港及隨後要到橫店拍電影的她，講到那麼忙碌會否接受男士追求？她笑說：「咁要睇吓佢有冇誠意，時間要雙方付出，之前拍拖都係咁，唔使做嘢嘅時候就抽時間陪對方。（之前分手就係聚少離多？）所以一有時間就要抽時間出嚟相處，係好緊要。」

吳千語指做娛樂圈並不是一般行業，有時可能四個月不在香港，所以需要另一半明白、體諒，不過她也覺有點困難。