谷到瀉！苟芸慧低胸勁風騷 提未婚夫冧爆
20180914
東網電視
更多新聞短片
Sweet到！
將於下月成為人妻的藝人苟芸慧（苟姑娘）出席品牌活動，性感上陣的她非常吸睛，不過可能因為太興奮，苟姑娘不慎露出Nude Bra。苟姑娘透露未婚夫陸漢洋非常緊張，經常如貼身膏藥般伴左右，問到此舉是否有身孕？苟姑娘秒回：「梗係唔係啦！係佢緊張，因為就快完成一件事（咁過大禮未？）好似做咗！之前聽佢有同父母有講，雖然唔係好識係乜嘢，但只要兩個人相愛就OK！」
冇得玩新郎
為盡快通知親朋，苟姑娘表示會先電郵發帖，稍後再補發實體版囍帖及餅咭，更指未婚夫已安排好座位表，自己只負責把眾姊妹打扮得靚靚及安排當晚表演，她謂：「到時會有少少驚喜畀大家，依家伴娘有8個，王君馨、岑麗香、伍詠薇、李亞男、簡慕華、梁嘉琪、關曉彤同一個圈外朋友，伴郎都有藝人嘅（姊妹夾定點玩新郎？）佢話唔畀玩，因為一早同班姊妹打好關係。」
撐馮盈盈為節目效果
談到前港姐馮盈盈的「公廁論」，苟姑娘謂：「會唔會係節目效果呀！但無論點都好，但咁說話就唔需要，喺公開地方講嘢（覺得港姐要慎言？）每個人都有自己諗法，但好多嘢要知咩場合講咩嘢（影響港姐形象？）又唔係每次都係咁，可能為節目先咁講呢。」
----------------------------
東網巨星開咗ig喇，大家快啲follow啦！