就快一周年！賴弘國倫敦街頭啜啜冧滋滋阿嬌
20180915
東網電視
更多新聞短片
愈來愈Sweet！
現年37歲的鍾欣潼（阿嬌）與32歲台灣「醫界男神」賴弘國拍拖唔夠一年嘅異地情緣開花結果，二人今年5月於美國舉行百萬浪漫婚禮。新婚嘅二人雖然經常分隔兩地，但一有時間黐埋一齊都會喺社交網放吓閃。
賴弘國喺今日凌晨Post咗一張同阿嬌喺英國倫敦街頭攬攬嘅相，二人戴住帽、着住黑色上衣同白波鞋，全身上下襯到絕一絕呀！阿嬌一面幸福咁依偎喺老公嘅胸膛，仲Show咗無名指隻戒指出嚟，而賴弘國就嘟嘴作勢錫錫老婆，雖然賴弘國咩Caption都冇打，但佢兩個有幾開心真係不言而喻呀！阿嬌喺上年嘅差唔多時間認戀賴弘國，唔知佢哋係咪慶祝「拍拖」一周年紀念呢？
好多粉絲都留言讚幸福嘅阿嬌好靚，仲話佢哋兩個好Sweet好閃呀，催佢哋快啲生B！兩個嘅基因都咁靚，真係好期待佢嘅愛情結晶品出現呀！
----------------------------
東網巨星開咗ig喇，大家快啲follow啦！