終於咀咗啦！林秀香大方公開同車銀優關係

韓國男團ASTRO成員車銀優與女星林秀香合演的JTBC韓劇《我的ID江南美人》將於明晚播出大結局，而Viu煲劇App亦緊貼追播，第15集在昨晚播出，擔心被同學知道的二人，一直偷偷摸摸拍拖，但林秀香終於下定決心，與車銀優公開關係，二人與其他同學調製香水時，老師看到二人不時交換眼神，便說：「情侶可以一起調香。」林秀香便立即大方承認同車銀優是情侶關係，同學立即起哄說兩人好襯。

而14集以內都未有吻戲的《江南美人》，男女主角終於上演咀嘴一幕，林秀香向車銀優指讀中學時都好羨慕別人可以着住校服約會，車銀優便如林秀香的願，與她穿校服拍拖，而晚上因為趕不上尾班車，林秀香便帶他回家過夜，飲燒酒時車銀優講到很想再看看林秀香整容前的樣子，林秀香初時想拒絕，但最後就答應給車銀優看3秒，並說：「如果係睇完都鍾意我，咁就係真心鍾意我。」車銀優聽罷便用力放低燒酒杯，上前錫林秀香。

昨晚一集雖然有咀戲，但收視不升反跌，由上集的5%微跌至4.8%，而在預告片中，車銀優在山上攬實林秀香，表情勁冧，他更說：「第時要喺呢種地方求婚。」似乎是想將來同林秀香求婚。