詐型!李思欣投訴范振鋒冇為佢…

2018年09月15日 15:17
東網電視
更多新聞短片
李思欣同范振鋒以夫妻檔現身。

藝人李思欣及范振鋒夫妻檔到黃埔出席餐廳開幕活動,以嘉賓身份參與拜神及切燒豬等儀式。范振鋒坦言想入股,可惜知得比較遲。思欣就指這餐廳以經濟價錢出售海參及花膠等貴價食材:「我自己都鍾意食呢啲養顏。(叫老公贊助你食?)係呀,如果我殘咗佢會詐型!」范振鋒笑言已叫老闆送花膠,但兩公婆都不懂烹調,要即場取經。

思欣隨即投訴老公沒煮過飯給自己食:「結婚前煮過一次咕嚕肉,之後都冇煮過。」范振鋒自嘲廚藝唔掂,不過太太生病時會煮通粉:「佢病我先出手!」而思欣就會在老公生日時下廚,范振鋒讚老婆很有心,至於值幾多分?他笑說:「十分滿分都有九分嘅,有心呀嘛。」他又爆老婆曾經煮過非常昂貴的羅宋湯,總值三百多元:「仲貴過花膠,我未飲過咁貴嘅羅宋湯。」李思欣解釋當時是第一次煮,買了太多配料,不過現在已掌握到竅門。