【有對象?】龔嘉欣想生孖胎:我好樂意湊仔

20180915
東網電視
更多新聞短片
龔嘉欣話自己好受小朋友歡迎。
藝人龔嘉欣與孫慧雪出席活動,與小朋友行騷,嘉欣自言甚有小朋友緣:「我經常同小朋友合作,有時啲父母話個小朋友唔跟陌生人,但一畀我抱就會瞓着,好神奇,我好樂意湊仔,張頴康個BB我有幫手餵奶,我好熟手,我可以兼職做保母,而且我好鍾意小朋友,啲小朋友好黐我,有個吸引力。」
家族冇遺傳
問到幾時到嘉欣生B時,她笑說:「我想早啲,都要搵到個適合對象。我想生兩個,可以有個伴,最好年紀差唔多,我同哥哥相差一歲,大家感情好好。我想生孖胎或者龍鳳胎,我家族冇呢個遺傳,但我之前上過玄學節目,話我會生孖仔。」
打到周身瘀
嘉欣又自言是小鳥依人,但未遇到對象:「我呢排日日拍《殺手》,打到周身瘀,因為一開始講明冇替身,我今日着短裙都要用遮瑕膏遮住啲傷痕。」講到今日微露腹肌,嘉欣指已練到有馬甲線,而同劇演員黎耀祥練到有四舊腹肌,她笑言要與他鬥快:「我都要加快操練,我都有四舊腹肌,想練到條馬甲線再靚啲,因為喺套劇經常着Bra Top要露腰。」
----------------------------
東網巨星開咗ig喇,大家快啲follow啦!