諸葛紫岐無懼山竹孖老公放閃

2018年09月15日 21:14
東網電視
更多新聞短片
諸葛紫岐跟老公薛嘉麟現身。

超強颱風「山竹」逼近香港,名媛諸葛紫岐(Marie)跟老公薛嘉麟現身活動放閃,以一身高貴晚裝示人的Marie表示已做好防風措施,無懼強風來襲:「已經黐好晒米字形膠紙。(仔仔知唔知道打風?)佢知道,個風有打去菲律賓嗰邊,我傭人姐姐同佢屋企人失去聯絡,佢喊得好慘,我叫佢唔好咁Sad,諗嘢要正面。(畀佢請假返去?)冇問題呀,但佢依家都飛唔到。」而Marie已經同傭人姐姐入定貨,去了超級市場買定好多嘢,並叫現場記者要小心,注意安全。

薛嘉麟透露工作都有少少影響:「有啲工作安排咗,但打風冇辦法,OK嘅,都安排到。」講到爺爺薛志軒離世,並已經設靈及出殯,問到家中長輩是否已平復心情?他說:「OK。(係咪都感恩打風前做好晒儀式?)係呀,有啲好彩,呢個風都冇影響。」而Marie則解釋設靈當日姍姍來遲並非因爲打風:「我係因為有嘢做而遲咗去,同埋叫記者朋友打風要小心。」講到中秋節即將來臨,Marie話到時會在港過,一家人食飯慶祝。

----------------------------
東網巨星開咗ig喇,大家快啲follow啦!
 https://bit.ly/2JjSVcr