北京大學讀書　馬浚偉1個微博吸7百萬點擊

藝人馬浚偉成功報讀北京大學的EMBA課程，近日他飛到北京開學，對重返學校充滿憧憬的他開心表示：「去報到時入咗校務處，佢哋搵人帶我周圍行吓，熟習吓校園環境。其實我今日現身時學校唔係好多人，但遇到嗰女仔佢主動叫我，後嚟佢知我想買校徽同心口針，竟然買嚟送畀我，真係好窩心。」

而一連數天他要參加學校的活動營，然後才正式開學。談到日前特意準備了校服及文具，他笑謂：「我上咗一條微博關於開學，點擊達七百幾萬，搞到學校都有留意，問我使唔使要啲乜嘢特別安排，因擔心混亂呀，不過我就話唔使嘞，當我普通學生就得。」雖然人不在香港，但馬浚偉亦有留意香港受強颱風吹襲，且表示：「希望唔好有乜傷亡數字，大家都要小心啲。」