山竹吹到張枱碎晒！蝦頭雷晴雯屋企變災區
20180916
東網電視
更多新聞短片
呢個山竹真係唔講得笑！
「山竹」來襲十號風球現正懸掛，呢個風一啲都唔講得少，市面唔少地方都受到破壞，就算喺屋企都未必安全！好以蝦頭（楊詩敏）咁，佢屋企出面有個花園，咁就擺咗張都OK大嘅枱喺度，點知張咁重嘅枱都畀山竹吹起，成張撞埋牆塊玻璃枱面碎晒，好彩蝦頭個人就冇事，佢留言話：「山竹你真係猛料！祈求仍在前線工作的朋友一切小心！」
而另一位藝人雷晴雯（Winnie）佢都係喺屋企，佢雖然閂晒窗，但係其中一隻究然被山竹扯爛咗，好彩佢一早做定功夫，黐咗磨沙膠紙喺玻璃度，咁先至冇成塊碎晒，而且佢又有養貓，喺窗度裝咗防止貓咪跌落街嘅網，咁先至頂得住隻窗冇畀山竹扯咗落街，如果唔係，成隻窗跌落街都真係可大可小！Winnie最後要用個膠袋包住個枕頭攝住個窿，先至可以阻至啲風雨吹入屋。
----------------------------
東網巨星開咗ig喇，大家快啲follow啦！