姊妹齊單身 黎曉靈為閨蜜韓藝瑟賀生日

2018年09月16日 12:10
東網電視
更多新聞短片
大家都要一齊加油!

時尚名媛黎曉靈(Kimmy)早前赴杜拜觀光,順道睇樓,回港後隨即轉飛韓國為韓國女星兼閨蜜韓藝瑟提早慶生,更送睡衣作禮物,寓意她會永遠「被愛」。

本月18日是韓藝瑟的生日,Kimmy從四年前開始每一年都飛去往韓國跟她慶生,問到送了那甚麼生日禮物給對方?Kimmy表示:「一套睡衣,提醒佢係『被愛』,我同佢依家都係單身,想講畀佢知總有人會關心佢。(性感睡衣?)係絲質加喱士,佢鍾意嘅舒服款式,唔性感,畢竟未有『用武之地』,哈哈!」

韓藝瑟重新出發

早前韓藝瑟進行脂肪瘤手術時發生醫療事故,留下駭人的傷口,為此而情緒低落,Kimmy稱對方心情已好轉:「佢會振作起嚟,重新出發,我上年12月都做咗手術,今次我同佢都體驗咗上帝恩典,我哋戴住由我設計嘅十字架頸鏈,係表達上帝與我們同在。」

想喺杜拜投資房地產

Kimmy在杜拜旅遊之餘,亦戴上自家設計的珠寶親身演繹拍攝短片,又順道睇樓,參觀朋友已購入由特朗普公司投資、Fendi設計的別墅,Kimmy笑言:「韓藝瑟睇完我喺杜拜影嘅相同片係咁讚,話拍到好似旅遊特輯同珠寶廣告,叫我要放喺社交平台分享。我都想喺當地投資房地產,韓藝瑟都讚當地風景好靚,話下次要同我一齊去杜拜旅行。」此外,Kimmy還獲邀到當地著名摩天大廈Cayan Tower參觀,該物業面積約逾萬呎,連裝修及名畫裝飾,樓價約1億1千萬,Kimmy形容它就是心目中的Dream House。