徐小鳳尾場騷遇山竹 歌迷怒插零安排

2018年09月16日 12:30
東網電視
更多新聞短片
終於有公布啦!

【12:51】官網終於公布徐小鳳尾場騷最新安排:「9月16日(星期日)之場次,將改期於2018年9月17日(星期一)舉行,除此之外觀眾亦可要求退票!」

「山竹」超強颱風吹襲香港,好多地方都有水浸塌樹嘅情況,撞啱今晚就係徐小鳳《金光燦爛徐小鳳演唱會2018》嘅尾場演出,究竟演唱會可唔可以順利演出成為買咗飛嘅歌迷最緊張嘅一件事,不過官網遲遲未有公布消息,唔少歌迷都喺佢哋嘅Facebook專頁留言鬧爆,話雖然演唱會係「室內」活動,但係都要經「室外」先至去到,問主辦機構有冇顧過歌迷嘅安全?仲有嚟自內地嘅粉絲話嚟到香港紅館都要三個鐘,依家都未公布有乜安排,唔通要歌迷嚟到紅館先知取消咩!而據官網顯示,演出安排會喺下午四時三十分公布。