正面交「鋒」 明日花Rose Ma夾擊四猛男

2018年09月16日 21:01
東網電視
更多新聞短片
打「鋒」打呢啲就大家都開心喇!

日本人氣女優明日花綺羅早前首次來港,與港版「暗黑明日花」Rose Ma(馬俊怡)同場正面交鋒,一齊拍攝神秘廣告。謎底終於解開,原來這對哎吔「Twins」係拍攝本地網絡平台 hmvod廣告,同場仲有四大猛男包括張建聲、趙永洪、岑珈其及肥腸(徐浩昌)。

high爆呻吟

廣告內一開始就見到正在浸牛奶浴、飾演家姐的明日花露出一雙玉腿睇iPad,妹妹Rose 就喺大廳瞓梳化睇戲,一路睇一路high,呻吟聲即刻引來住隔籬的張建聲、肥腸、珈其同大廈「實Q」趙永洪門口偷𥄫,最後一仆一碌衝埋入屋,同着住性感tube及短褲仔的兩姊妹一齊睇戲。入鄉隨俗的明日花更以日式廣東話講了兩句對白:「咩事咁嘈呀?」、「我想睇愛情動作片多啲!」

Rose變小粉絲

出名身材火辣勁爆的「兩姊妹」,於片中齊齊着迷你白色tube top上陣,性感程度令人鼻血直流,Rose謙稱身材唔及明日花:「佢身材好好多,我好多肉㗎,佢骨架真係細。」最搞笑係身為KOL的Rose身經百戰,但對住明日花忽變小fans,驚驚青青怕怕醜醜,不過她就猛讚對方五官精緻好靚女。

明日花零怨言

明日花雖然言語不通雞同鴨講,但工作態度非常專業,浸浴缸浸了接近一個鐘,水由熱變凍再加熱又變凍都冇怨言,中途還吃了一碗雲吞麵增添energy。既親切又友善的她,被幾位拍檔不停集郵留念,來者不拒。