佛山巡唱遇山竹 李克勤開騷要守條件

2018年09月17日 00:13
東網電視
更多新聞短片
真係好好彩!

李克勤慶祝成立三十周年演唱會世界巡迴,15號晚去到佛山站,因為颱風「山竹」關係,在傍晚六點半,突然收到當地有關單位通知要取消演唱會,幸好最後幾番爭取,演唱會才得順利舉行。演出過後,大隊就馬上連夜趕車回港,剛好趕在掛8號風球前一分鐘過關。他說:「返到香港掛咗8號,但係冇風冇雨,我仲趕到去買煲仔飯返屋企消夜。」

為了今次佛山四面台演唱會,克勤不單重新練舞,又提早兩日上佛山,每天試練舞台上的威吔。克勤唱到十點十五分,真的不准唱下去了才完場。他在台上向觀眾致歉:「我開騷前收到通知,話打風唔可以舉行今晚演唱會,嗰時你哋已經有大半人入咗場,經過一番努力爭取,感謝有關當局,最後終於特赦咗我哋,批准我哋開騷,但唯一要我哋答應條件係,唔可以再引起再多混亂,要大家早啲平安返屋企,所以今晚個騷濃縮咗好多,但係我每首歌都好畀心機去唱,希望你哋感受到。」

事後克勤接受訪問 :「多謝有關當局方便我哋,咁打風大家都明白,我喺台上都無奈,好多歌準備咗唱唔到,第一次遇到呢啲事,又上一課,人生經驗又豐富咗囉。」

----------------------------
東網巨星開咗ig喇,大家快啲follow啦!
https://bit.ly/2JjSVcr