楊盼盼燒傷 陳百祥感同身受：點會用真火？
20180918
東網電視
更多新聞短片
阿叻希望楊盼盼早日康復。
藝人陳百祥（阿叻）出席記者會，提到資深動作女星楊盼盼拍戲時燒傷，當年拍戲亦曾燒傷手部的阿叻，便以過來人身份叫傳媒代他向盼盼慰問，他謂：「喺馬來西亞控制火藥方面可能唔係咁容易，其實依家呢個年代可以用假火啦，用電腦效果，邊使用真火？否則《英雄》系列嗰啲電影咪死好多人？」
談到盼盼被燒傷面部，他指對方是一個很堅強和硬淨的人，正所謂「吉人自有天相」，相信應該沒大礙，他表示：「佢向來唔係靠樣食飯，係靠實力㗎嘛！」阿叻回想當年燒傷手部，在醫院住了40天，醫生當時建議他換皮，但要動用Pat Pat的皮，他笑言：「怕人同我握手即摸摸Pat Pat，覺得唔着數喎！所以都係等啲皮自己生番。」
----------------------------
東網巨星開咗ig喇，大家快啲follow啦！