刨足6次劇本！郭富城新戲角色唔簡單

影帝郭富城（城城）與周潤發（發哥）於莊文強新片《無雙》內鬥戲，惺惺相惜之餘，城城談起發哥更謙稱：「開拍前佢做足準備功夫，對角色及劇情有好清晰嘅理解，我哋今次演戲上嘅切磋絕對擦出火花。（邊個好戲啲？）同發哥邊有得鬥？發哥就發哥，有型兼俊俏，做乜都有魅力。」

認真鑽研角色

城城今次扮演天才畫家李問，是整個故事的骨幹所在，為投入角色他花盡心思：「想角色有畫家嘅氣質同神態，本來諗住請個畫家取吓經，後嚟因為工作關係、時間配合唔到，我收工就上網搵相關嘅片段觀察吓，好彩我平時都鍾意畫吓嘢。」與以往的角色比較，今次的角色演繹相當複雜：「我同發哥都有兩個身份，女主角張靜初就算係1人分飾3角添。比起喺《踏血尋海》內單一咁扮演『老差骨』，今次我係相同外表演兩種唔同嘅心理狀況，為咗確切了解一切，我前前後後睇咗6次劇本先開工。」

花費多年籌備

城城又大讚莊導的毅力及對電影製作的全情投入：「佢同我講話2008年已經搞劇本，不過所需嘅製作資金龐大，中間被迫中斷籌備，直至2014年佢終於搵到投資者，所以再動筆修改劇本。為咗今次嘅製作，佢哋專登買咗部印刷機返嚟製作『美金偽鈔』，真係好認真。」

髮型：Ian Wong@ii Salon

化妝：郭艷君

服飾：IT hk/Comme des Garsons

場地提供：香港嘉里酒店