兩年冇拍劇！鄭俊弘下月「復出」修補形象

歌手鄭俊弘（Fred）到電台宣傳新專輯，之前因為打風，他放了兩日假。家住西貢的他表示超級颱風「山竹」對他的家並沒有太大影響，只是露台有些水浸，他說：「反而住我對面嘅家姐屋企就停電，因為我住嗰條村差唔多半條村停電。」不過巿中心情況就比較嚴重，水浸淹沒馬路，有些人要划艇出去，他說：「今日揸車出嚟，沿途都嚴重，好多樹倒塌，啲樹又砸住啲車，好似世界末日咁恐怖，所以揸出嚟都要揸慢啲。」

下月拍新劇

已經兩年沒有拍劇的他透露下個月會接拍新劇，講到之前負聞纏身，事業一度受到阻滯，問到是否要急於追回成績？他說：「工作都有，不過可能電視演出較少，希望可以多番啲劇拍。（影響真係咁大？）多少會有啲，但粉絲、識我嘅人同觀眾會明。（係咪要修補形象？）做好自己先，好多嘢控制唔到。」

中秋注定一人

而中秋節他表示要工作中度過，因為媽咪身在加拿大，他說：「都會掛住媽咪，不過都習慣咗，上年過年阿媽都喺度，今年未知，以往過時過節都未必可以一家團聚，好彩家姐、姐夫一家喺度。」又大讚七個月大的姨甥女好可愛。本身也喜歡小朋友的Fred，之前到緬甸探訪時助養了三個小朋友，他說：「佢哋有影相send畀我。」