陳展鵬買骨灰龕位預埋老婆　單文柔讚認真

視帝陳展鵬及單文柔（Phoebe）公布結婚後，終於可以高調拍拖放閃！最近有指展鵬對未來陳太照顧有加，除去年擲千萬以媽媽名義購入將軍澳一個單位，作為二人愛巢外，他早前更於沙田西林寺以逾二百萬購入十個骨灰龕位，為長輩未雨綢繆，而快將入門的Phoebe更會被未婚夫「照顧到死」！

Phoebe接受電話訪問，全程笑得合不攏嘴，一副幸福模樣，但當談到骨龕位時，她坦言事前毫不知情：「展鵬冇提過，總之結婚係開心事，我就冇諗到咁長遠，依家只係諗緊婚禮點安排，自己只想做個最靚嘅新娘子啫，話晒一生人一次嘅回憶嘛，我真係冇諗過。（係咪二百萬買位呀？）我冇干預過佢呢啲嘢，或者你問完話番畀我知啦，我都想知，哈哈。」她又大讚展鵬為人傳統踏實：「佢有時做起嘢嚟幾認真，我覺得呢方面都幾可愛嘅。」