太太懷第二胎 謝天華:係粉紅色嘅!

20180918
東網電視
更多新聞短片
恭喜晒先!
影星鄭伊健、陳小春、錢嘉樂、謝天華及林曉峰五位「古惑仔」相隔18年再叙首,主演的電影《黃金兄弟》在沙田舉行首映,監製及有份演出的曾志偉、錢嘉樂太太湯盈盈、林曉峰太太康子妮及兩名兒子都有到場,五子坐名車出場,現場有舞獅助興,又有大批好友出席,恍如大型Party一樣,包括洪金寶、高麗虹、洪天明、元華、鍾鎮濤、薛家燕、欣宜、蔡一傑、錢國偉、李若彤、張慧儀、趙學而、錢小豪等,而當年演「𡃁坤」的吳鎮宇都有撐場與五子合照。
天華收最貴?
身兼導演一職的錢嘉樂表示看到五兄弟的電影終於出世,感覺相當感動!他表示他們之前到了台灣宣傳,當地觀眾很接受廣東話版本,想不到兄弟18年重逢仍有如此好反應:「當晚我哋仲喺酒店傾到半夜四點,畀人投訴我哋嘈。(傾啲咩?)要保持初心,同埋第二集唔好收咁貴,係講畀天華聽嘅!」問到天華是否真的收最貴?他笑說:「因為我對白最少,除番開所以貴。」問到是否要努力賺奶粉錢?他隨即笑住宣布太太懷有第二胎,兄弟們都一片哄動,天華說:「係喜上加喜,係有第二個,可以公布得,係粉紅色嘅!湊到個好字!」
伊健表示到北京出席見面會,當地有廣東話及國語兩個版本,但大部分人都支持廣東話版,因更原汁原味,令他感到很榮幸!嘉樂說:「有人話想睇嘅香港電影終於返嚟!好感動!」小春表示很期待在主場正式睇完成版,感覺也「震震地」,問到會否睇到喊?他說:「真係有觀眾話喊,麻甩佬話睇到標幾次眼淚。(你有冇準備紙巾?)用自己或者隔籬個人件衫抹啦!」林曉峰說:「有人讚我哋拍到Mission Impossible咁,我哋冇湯告魯斯,但有伊健都夠,仲有錢導演可以拍到男人之間嘅情同愛原來可以咁。」
超支幾千萬
問到會否拍續集?嘉樂直言有想話,因幾兄弟拍攝11個月非常享受,但要是否能否回本,因拍攝一直超支,最終超支幾千萬:「係志偉一直畀聖旨執行監製,話點都要盡量滿足我,唔知係咪我前世借咗好多錢畀佢。」問下次會否叫埋老婆仔女參演?嘉樂表示最難過小春一關,因小春很反對他兒子入行,小春說:「都係讀書先啦!」