挑戰編劇 林家棟點解唔想落場演?

20180919
東網電視
更多新聞短片
家棟演戲經驗就多喇,不過今次挑戰做編劇!
藝人林家棟為ViuTV清談節目《大星講》擔任嘉賓,他透露最近忙於搞劇本:「由我負責編劇,故事係關於兩個警察,希望可以試啲新嘢,成個畫面唔會開槍,主題係救贖。好開心,搞掂個劇本就已經有人舉手投資。(幾時開?)要等批文。(定咗演員未?)我會試吓演,因為投資者叫我落場演,其實我就一般般,因為又要監又要演,好容易有盲點。」
提到演藝人協會下周一會代表業界向政府表達意見,身為協會副會長的家棟表示交由會長古天樂處理:「我覺得除咗培訓新人之外,主要係拍攝場地好多制肘,借呢度又唔得、嗰度又唔得,而且我哋好難一年前就畀到份計劃書去申請,希望借場地方面可以鬆手啲。」
另外,問到家棟的契媽兼資深演員夏萍的近況,他透露對方身體不俗:「啱啱幫佢入住嗰間老人院搞活動慶祝中秋節,但就叫佢唔好食月餅,因為糖分太高,佢身體OK同開心,呢兩樣最重要。」