夫妻檔放閃！陳展鵬對住單文柔甜到漏
20180919
東網電視
更多新聞短片
陳展鵬同單文柔首次夫妻檔出騷。
藝人陳展鵬和未婚妻單文柔自宣布婚訊後，首次夫妻檔出席活動放閃，講到兩人以夫妻檔出現，他稱有需要都不介意，對於稱呼上有分別，單文柔坦言未慣被叫陳太。對於單文柔被叫陳師奶？展鵬笑言：「師奶殺手好喎，啱我。」並指與單文柔一齊出席活動可以見多啲。不怕見到厭？單文柔笑謂：「唔厭，厭都唔嫁畀佢喇。」展鵬亦稱不厭，反而是漏，是甜到漏。之前展鵬稱他們會10月中簽字，他笑言：「唔止簽字，仲滴埋血。就快會入紙，有好消息會話畀大家知。」至於會否有接新娘儀式，他說所有儀式都會盡量做完。單文柔則表示屋企老人家多，擔心他們會攰，所以會簡單化，但傳統儀式都會做齊。
提到展鵬花近200萬購入10骨灰龕位，並預埋單文柔，因早已視對方為陳家人？單文柔對此無奈說：「唔好再詛咒我哋喇，依家搞緊喜事，之前有人問我，我都好驚。」 身旁的展鵬又幫口說：「呢件係開心事，點解搞到好似白事咁，自己睇到個標題都不知開心定畀咩反應好，等待辦完喜事之後再答大家，否則老人家睇到感覺好奇怪。」
----------------------------
東網巨星開咗ig喇，大家快啲follow啦！