黑面對人有苦衷！郭富城拍戲失準發忟憎
20180920
東網電視
更多新聞短片
同兒時偶像合作實有壓力！
下月踏入53歲的影帝郭富城（城城）入行逾30年一直醉心事業拚搏，直至去年成為人夫當爸，這「冇腳雀仔」變身暖男，幸福笑容經常掛在嘴邊，間中大方洩露與囡囡Chantelle的「甜蜜」，又指以往愛參與朋友聚會，如今卻很多時候留在家裏。
當外間盛傳他將二度當爸，城城近日忙着為主演新片《無雙》宣傳，專訪前明言不會多講私事，但忙足一天的他心情依然大佳，談起最愛的電影依然滔滔不絕，「喜」字不隱藏地於面上，當記者想恭喜他，其經理人小美笑謂：「唔講呢啲嘞。」
因為已成家有「最強後盾」，城城事業上的那團火愈燒愈旺，《無》片能夠與「兒時偶像」周潤發鬥戲，成功凌駕角色，表現絕不失禮：「發哥嘅《秋天的童話》係經典中嘅經典，今次導演莊文強好識揀，將發哥喺《英雄本色》嘅雙槍雄姿，以及《縱橫四海》嘅悠閒帥氣拍晒出嚟。雖然發哥平日好平易近人，我去到現場就要投入，冇得怯！」
身為影帝的他今次「一人分飾兩角」，難度最高可算是情緒方面的拿捏。他對自己要求更見嚴格，更自爆：「正式投入拍攝時，我最忟係泰國外景期間，其中一日我要飛去別處表演，返到嚟嗰朝早我就要拍一場重頭戲，點知就失準，我即刻同莊導要求重拍，前後拍咗3次先得，好彩布景未拆咋！」
然而較於於剛煞科的《麥路人》，城城不諱言《無》片演出相算「輕鬆」：「《無》片個角色某程度上係個天才，亦富有到可以周圍遊歷，但手《麥》片係講緊個冇錢、冇家嘅人，情緒上好辛苦，可能有時發咗脾氣都唔知。」三言兩語便辯釋清楚日前被記者追訪「當爸」，被指「黑面」的傳聞！
談到今次戲內他瘋狂迷戀女主角張靜初不能自拔，城城不禁自爆自己「少年十五二十時」謂：「讀書嗰陣都會試過，覺得隔籬班某個女仔令自己心動，印象中係眼大大、長頭髮嘅，但最終我連上前認識佢都唔敢，呢啲係人生必經階段。」
場地提供: 香港嘉里酒店
Hair : Ian Wong @ii Salon
Make up : 郭艷君
Wardrobe : IT hk / Comme des Garsons
----------------------------
東網巨星開咗ig喇，大家快啲follow啦！