東網電視
更多新聞短片

竟然係佢……
1/8
藝人蔡康永新節目《恕我直言》昨晚播出第一集,邀請到曾喺《流星花園》合作過嘅徐熙媛(大S)及朱孝天同場,一向語出驚人嘅大S更忽然大爆料,直言當年曾試圖撮合阿妹徐熙娣(小S)同朱孝天,而「當事人」朱孝天竟然?晒頭嗌唔知情,場面搞笑!
17年前大S同朱孝天合作拍劇,講開當時佢哋嘅相處點滴,朱孝天就話當時大S叫過佢幾次帶小S出去約睇戲,又大讚小S好Cute,點知大S就話當時其實係撮合緊二人,惜二人未有擦出愛火花。朱孝天聽到真相之後,即刻成個人嚇到呆咗,又澄清當時唔知大S係撮合緊佢哋,直呼自己從來冇追小S嘅想法。不過大S都話嗰時問過阿妹,小S發現朱孝天太遲鈍冇追求嘅意識,更補刀笑朱孝天係「大怪咖」,所以先冇繼續發展落去。

17年前大S同朱孝天合作《流星花園》,雖然二人冇過電,不過原來大S係想做紅娘…

點知……原來大S想撮合二人。

大S仲補多刀笑朱孝天係「大怪咖」。

當年個個都靚仔靚女,大S想「益」吓個妹都好合理。

睇朱孝天個表情…就知佢……

朱孝天都話嗰時覺得小S好Cute。

嘩,個樣驚到變晒……