擁32D豐滿上圍的中葡混血模特兒布睎尤（Riaco）經常大方晒身材，四肢纖幼又有纖腰的她熱愛運動，但笑言飲食方面毫不節制，自認大食妹：「我食自助餐食好多，而且專揀啲飽肚嘅，壽司、雞翼、薯條都照食！當然要做番運動Keep吓，但又驚縮胸，舊年我狂練拳打MMA，個胸細咗一Cup，依家大番唔想又縮水。（有咩保胸妙法？）按胸錢絕對唔好慳，可以通淋巴，胸部會大啲、挺啲，又可以預防乳癌，有咩唔妥可以及早發現。」

單身的她被問到擇偶條件，直言寧揀肥仔也不要肌男：「試過同大隻男拍拖，佢哋做Gym要節食，日日都烚雞蛋、雞胸，我見到佢就冇癮，所以寧願要肥仔男友陪我喪食！」