拍劇扮?妹！傅穎自爆同泰國靚仔有下文

近年主要在內地發展的傅穎（Theresa），早前接拍了一部電視劇《京港愛情故事》，她好開心跟一班香港演員合作，好似許紹雄、苑瓊丹、馬德鐘等，劇中還有個泰國男演員Mike，她說：「劇情好似講我同Mike會發展感情，其實我當佢係兄弟，喺劇裏面我主要係做大家嘅和事佬。」劇中她飾演的角色年紀比較細，感覺好似重返十幾年前在無綫拍劇一樣，角色性格都差不多，她笑說：「劇裏面我對住佢哋個個都要叫姐、哥，連阿Mike喺戲入面都係細個我，但實際上我係大過佢。」

兩人還有「下文」，因為這套劇之前在香港取景，她盡地主之宜，帶Mike去食地道小食，她說：「我畀佢揀，問佢想食啲個景好靚好睇嘅餐廳，定係好地道嘅嘢食，佢揀咗好地道，所以我就帶佢去旺角拮魚旦，同食涼粉。」