缺席活動避談愷威楊冪？劉丹：多鬼餘！
20180922
東網電視
更多新聞短片
劉丹缺席《愛·回家之開心速遞》宣傳。
資深藝人劉丹的兒子劉愷威被傳與楊冪已離婚兩年，原定出席《愛·回家之開心速遞》之「中秋人月慶團圓」活動的劉丹未有現身，公關解釋對方臨時有事而缺席，令大眾揣測他是為了避開傳媒。劉丹其後回覆傳媒查問，不但勞氣地話「多鬼餘」，更表示自己不是經常出活動，並指今日因事缺席。
袁文傑許家傑撐場
而劇中的演員袁文傑與許家傑就聯合撐場，兩人笑言在《愛》之中未有對手戲，但在另一套劇有合作。提到兩人劇中的另一半林淑敏與滕麗名今日均未有到場，袁文傑開玩笑說：「啲人話點解每次宣傳都有佢冇我，有我冇佢，好多人都關心我同阿滕喺劇中幾時復合，所以未復合之前唔會一齊公開出現。其實我自己好戥監製擔心，因為收到好多粉絲私訊話再唔安排復合，要向監製寄刀片同?刀。最近監製安排咗個傻強，睇到啲觀眾牙癢癢。」
已知會加多100集
許家傑與林淑敏在劇中這對甜蜜蜜，他自言兩人是可持續發展，揚言如果他們這對分開的話，監製會收到很多禮物。他稱《愛》劇現時拍到440集，已知會加多100集：「睇個趨勢有機會再加，珍姐（曾勵珍）話想超越《真情》，最緊要精神領袖丹爺（劉丹）身體健康同肯繼續拍。」
----------------------------
東網巨星開咗ig喇，大家快啲follow啦！