派「錢」谷戲 孫佳君難忘險被水晶燈砸中
20180923
東網電視
更多新聞短片
孫佳君、張建聲同張松枝喺銅鑼灣街頭派印製成戲飛嘅「錢」宣傳。
藝人孫佳君、張建聲和張松枝，在銅鑼灣街頭為新片《無雙》派印製成戲飛的「錢」宣傳，吸引不少市民上前攞。受訪時孫佳君表示未派過「錢」，亦不擔心會有混亂。她表示未睇過電影的最後版本，表示緊張又期待，亦有少少擔心，因為裏面有槍戰、爆炸、跑等動作場面，擔心自己不夠自然及靈活。
離盞燈唔夠兩呎
她表示最難忘的一場戲是有盞大水晶燈跌在她面前：「為求迫真，我要企好近，但冇得試，得一次機會。（有冇受傷？）其實盞燈跌落嚟離我隻腳唔夠兩呎，嗰啲纖維玻璃碎有少少彈到，有少少損，同埋有時有啲槍戰子彈都有彈到，我唔夠經驗唔識就位。（驚唔驚整到塊面？）都有少少驚，但好彩冇事，我不停祈禱。」
同周潤發合作勁緊張
她又透露在戲中飾演一班大賊的女管家，周潤發就是大賊的首領，表示跟對方合作很緊張：「佢係我永遠嘅偶像，所以每次見到佢都好緊張。（佢有冇約你行山？）我冇，但佢哋就有去行山，我鍾意做Gym。」
----------------------------
東網巨星開咗ig喇，大家快啲follow啦！