唐詩詠提前賀生日　田蕊妮冧爆大晒姊妹情

好多人都話喺圈中要搵到好朋友難，仲要係好姊妹就難上加難，不過好似藝人田蕊妮（阿田）同好友唐詩詠就係一個好好例子。嚟緊28號生日嘅阿田，呢日就獲好友詩詠為佢提早慶生，仲喺社交網分享相片。佢話：「有人問點解你哋兩個會咁好嘅？我哋二口同聲話緣分囉！我哋因拍劇相識，之後事無大小佢都會同我分享，佢唔開心嘅時候，我會擔心佢。佢開心嘅時候，我會戥佢高興。」佢仲話詩詠不時問佢好多問題：「有時我會懷疑自己額頭係咪寫咗詢問處呢三個字！哈哈！但係當佢有幾日無搵我，無問我嘢我又會好掛住佢！多謝你提前幫我慶祝生日，這是我今年第一個蛋糕，希望我哋大家都健康幸福。I love u！」網友都話好姊姊就係咁簡單，會願意陪伴同聆聽你嘅需要。