劲减8kg变璎珞!吴谨言绝密“631”食法曝光

20180924
东网电视
更多新闻短片
敢相信图左嗰个系吴谨言吗?
28岁内地女星吴谨言,凭一套宫斗剧《延禧攻略》魏璎珞一角红遍中港台,佢啱啱嚟到香港,追星机会又嚟喇!
然而,除咗扣人心弦嘅剧情外,好多《延禧》粉丝都留意到吴谨言苗条身段,真系羡慕都嚟唔切。到底璎珞是怎样炼成的,好多丝打都想知。
肥妹水桶腰吓亲人
喺爆红背后,吴谨言花咗唔少功夫喺角色设计入面,事关剧中璎珞系一个绣坊小宫女,头脑机灵却有纤瘦得弱不禁风Body,为咗呢个风吹得起嘅身材,未拍《延禧》前,吴谨言体重系有51kg(约112磅),以佢1米65身高,算几有肉地。
东网更搵到绝密肥妹相,阔身冷衫都遮唔住佢条水桶腰,加埋微隆嘅小腹,真系“孕味”甚浓呀,咁点做璎珞呀?
唔使戒肉同淀粉质
嗱嗱嗱!由肥嘟嘟变身轻如璎珞,将8kg(约18磅)赘肉挥走的确唔容易。吴谨言就公开绝密收身大法,全靠3个数字“631”。究竟系咩玩法?吴谨言话唔使戒肉,亦唔使戒淀粉质嘅,其本上乜都食得,只系将你每日要食嘅嘢分成10份,早餐食6份,午餐就食3份,到晚餐就只食1份,呢个就所谓“631”比例食法,食嘅份量随早至夜递减,不过要拥有“璎珞Body”喺食材方面都要少少注意,好似吴谨言就坚持少油少盐,多菜少肉去配合,效果自然加倍“到位”啦!
----------------------------
东网巨星开咗ig喇,大家快啲follow啦!