感覺唔同晒！陳凱琳鄭嘉穎婚後首次出Trip

藝人陳凱琳孖住老公鄭嘉穎、衛詩雅、馬思純到意大利出席米蘭時裝周，二人婚後首次以夫妻檔出席外地活動，鄭嘉穎笑言抱住旅行的心情開工：「我冇嚟過米蘭，呢次係新婚後首次一齊出trip，所以感覺好唔同。（想唔想做模特兒行騷？）真係冇諗想過喎，其實我之前係有去過巴黎睇騷，但行騷就未試過。但如果有人夠膽搵我的話，我都會夠膽嘗試！」陳凱琳表示除了睇騷外，更造訪了品牌博物館，有另一番感受。

衛詩雅就揚言將瘋狂Shopping，實行寓工作於娛樂：「今次係第一次出席米蘭時裝周活動，所以真係好興奮，出發前一直諗要着咩衫出席活動！今次現場睇騷真係大開眼界，好興奮！我都同經理人講咗，完騷之後要畀時間我去古蹟參觀之餘，仲要留時間畀我Shopping，所以都預咗大出血。」