囡囡出世!陳柏宇激動報喜:我忍唔住喊

20180925
東網電視
更多新聞短片
囡囡已經改好名叫Abigail喇!
千呼萬喚始出來!自認係呷醋外父、現年35歲歌手陳柏宇(Jason)今日榮升老竇喇!佢太太符曉薇(Leanne)剖腹生女,Jason亦即於社交網上載一家三口合照,仲透露囡囡英文名叫Abigail:「我一見到佢就忍唔住喊。Abigail, i choose u!!! (throws out pokeball)」
Jason唔夠膽剪臍帶
東網搵到Leanne,剛生完bb的她聲音疲倦,但仍忍不住跟大家分享初為人母心情,她說:「thank you thank you,啱啱生完,仲喺手術室出面等緊,BB 5磅幾,因為拎咗上去清潔。」她說預產期為10月19日,但今日BB提早出世,所以覺得好突然:「好感動,BB一出世,我哋兩個係咁喊,但好神奇,BB一見到柏宇就收聲唔喊,好感動、好開心、好興奮!剪臍帶時,估唔到平時好大膽嘅柏宇都唔夠膽剪。」她又表示現最徬徨是她出院那天撞正老公要返大陸中山開演唱會,所以擔心沒有人陪她出院及照顧BB。
囡囡重5.2磅
而榮升爸爸嘅Jason,就分享和囡囡見面的喜悅:「好開心,好感動,好激動嘅,見到BB我就喊喇!好得意,係咁望住佢,好唔想放手咁,之後本來BB要上BB房,我想陪BB,但我老婆想我陪佢,所以我陪我老婆,依家等緊BB嘅體溫暖啲,我就可以以再陪佢喇。」他又透露囡囡出世重5.2磅。問到他本月將返中山舉行演唱會,其太太正徬徨沒有人幫忙照顧自己,Jason就話:「唔使擔心,實有人接到佢出院,稍後再作安排。」
幫阿女開IG
雖然囡囡啱啱出世,但Jason兩公婆已經急不及待幫Abigail開Instagram戶口,仲上載咗張正面相同大家打招呼!而符曉薇仲公開呷醋:「Welcome to the world Abigail,係(喺)今日開始陳生眼入面,已經被另一個女人霸佔左(咗),佢已經唔記得咗佢老婆姓乜。」