冇視帝做點算好？馬國明：申請唔去頒獎禮

無綫在將軍澳電視城舉行TVB POWER「戲劇最強 好戲連場」記者會，其中介紹到馬國明、李佳芯、唐詩詠、張曦雯演出的重頭劇《白色強人》。去年與視帝擦身而過的馬國明被問到今年可渴望攞獎？他笑說：「想要錢多啲，希望公司聽到，錢實際啲，我唔係網民所講咁佛系，今年我都冇劇，《宮深計2深宮計》我都唔知自己係主角定配角，不過冇失望，可唔可以申請唔去頒獎禮，出去搵錢，冇獎品梗係要獎金，我嘅目標好清晰。」

李佳芯有信心攞視后

問到李佳芯可有信心憑演出的劇集《BB來了》封視后，她說：「一定要對自己有信心，因為咁辛苦拍完一套劇，到時就要睇吓時勢、公司，呢啲冇得計算。」馬國明笑謂獎得一個，若果人人有獎金就皆大歡喜。此外，馬國明早前與女友黃心穎去蘇梅島旅行，他笑謂為女友操刀影相，雖然還有被鬧拍得不好，但已經有進步，此行亦沒有談婚事。