舊愛張雨綺傳家暴 汪小菲懶理攬大S放閃
20180927
東網電視
更多新聞短片
雖然呢排都幾敏感，不過汪小菲（右二）一於理懶，繼續晒同大S（右一）嘅合照放閃。
「星女郎」張雨綺與商人老公袁巴元喺中秋爆衝突，女方被指喺屋企持刀劃傷老公背部，事件暫列家庭糾紛調解處理。張雨綺爆出「家暴」後，隨即畀網友翻炒舊聞，而佢嘅舊情人亦走唔甩，例如內地商人汪小菲。張雨綺與汪小菲曾拍拖不足一年，兩人傳因瑣事互摑，後來分手各走各路。而汪小菲現時已娶台灣女星徐熙媛（大S），兩人育有一對仔女，家庭幸福！
對於舊愛張雨綺同老公不和，汪小菲似乎冇放在心頭，佢昨晚喺微博上載攬住老婆大S嘅合照，仲留言：「平平淡淡就是福」，更透露昨日原來係佢同大S喺8年前見面嘅紀念日。唔少網友都嗌羨慕，大讚佢哋咁多年都仲係咁恩愛，另外亦有食花生嘅網友留言：「汪小菲此刻心聲：娶的還好不是她，不然今天的新聞男主就是我」、「潛台詞：還好不是我被家暴」。
----------------------------
東網巨星開咗ig喇，大家快啲follow啦！