【雖死猶生】RubberBand開騷向盧凱彤致敬
20180928
東網電視
更多新聞短片
Respect！
樂隊RubberBand在九展舉行尾場演唱會，騷後訪問時，泥鯭表示：「今晚好肯定係唔夠喉，觀眾反應好好，我哋都好投入好high，如果唔理場租我哋係可以繼續唱落去。」阿偉亦表示：「仲有好多歌未唱，時間過得好快，今晚係好感動，但係忍住冇喊。」6號就表示不敢望隊友，因怕忍唔住喊，阿正亦表示很開心，每人都有機會發聲。6號亦謂：「本來想唱多首歌，但覺得以《未來見》完咁有意義，同埋好多謝方皓玟產後第一次喺香港演出就畀咗我哋。」
講到6號生日，他表示：「尋日個感覺勁啲，因為26號係我哋出碟，仲記得當時開Press Con嘅畫面，陣間慶功我當埋慶祝生日㗎啦，呢幾個月都冇打邊爐同飲酒，陣間可以放肆吓。」而講到他們低調唱出盧凱彤（Ellen）的《囂張》向她致敬，6號表示：「其實籌備緊歌單時正值發生呢件事（指Ellen身亡），我同監製都想做啲嘢，但唔想做到咁Sad，想話畀人知佢嘅音樂仲喺度，我太太、好多朋友都話睇完好激動，相信Ellen都聽到。」泥鯭亦表示冥冥中有玄機，之前曾獲送一本由Ellen做封面的雜誌：「佢一直擺喺我嘅鼓隔籬，直至嗰件事發生，可能有啲嘢係有暗示或玄機，藉住呢個機會向好尊敬嘅音樂人致敬。」另外，他們表示演唱會結束後會休息兩星期，之後會繼續練團及宣傳新碟，亦開心有機會在香港以外的地方開騷。
----------------------------
東網巨星開咗ig喇，大家快啲follow啦！