視像湊女 城城強調婆媳關係和諧

20180928
東網電視
更多新聞短片
城城強調家庭和諧,婆媳關係良好,不過講到個女就興奮。
藝人郭富城出席電影《麥路人》感謝宴,現時他同時拍攝兩部電影,問是否很忙,沒有時間湊女?他謂:「世界進步咗!呢個世界仲有wifi,都唔使同我擔心。」對於有雜誌指太太方媛是城媽的磨心,城城說:「完全冇啲咁嘅事,呢度憑空想像出嚟嘅小說,只要我有電影同演唱會上,就會無啦啦出嚟,憑空想像嘅劇情,見慣不怪,係無需解釋,總之我依家過住健康、快樂同和諧嘅家庭,對呢啲不實新聞我只講一次。(婆媳關係OK?)當然啦!」
問有第二胎好消息未?他風騷地說:「我一直都講,大家睇住我成長,好關心我屋企,但講得太多,大家注意力集中我家庭上,我都好樂意同大家分享,我講過自己好鍾意小朋友,但有啲嘢暫時無可奉告,畀啲空間我啦!總之適當時候自然就會講,上天會有安排,添幾多個小朋友交畀個天啦!總之有好消息會同大家分享,但呢一刻無可奉告。」
另外,他表示在訓練班時已跟萬梓良拍過《成吉思汗》劇集,時隔了三十年再度合作,大讚對方依然咁好戲、好專業。
----------------------------
東網巨星開咗ig喇,大家快啲follow啦!