「台劇女王」轉戰舞林 楊丞琳眼神殺死人
20180929
東網電視
更多新聞短片
楊丞琳再次喺《新舞林大會》畀驚喜大家。
所謂「有付出先有收穫」，台灣天后楊丞琳近日參加咗內地節目《新舞林大會》，佢表示參加呢個比賽係希望可以挑戰自己，亦想重現自己舞蹈嘅一面畀觀眾睇。見佢不時喺社交網分享排舞相，佢嘅用心同進步，令大家睇到拍爛手掌！
「讓大家看到不一樣的我」
而話咁快就到半決賽，丞琳同佢嘅拍檔朱晗合跳現代舞，見丞琳個樣有啲緊張，但好快就投入狀態，兩個合拍度超高，動作非常有美感，仲做出雙人托舉嘅姿勢，短短分幾鐘，已經好吸引你眼球！佢仲被評判大讚眼神可以「殺人」，不愧係「台劇女王」！丞琳就話：「這個表演一直都想做，因為張力很大，所以就放在後面。我覺得這個舞台就是要盡情去做自己想要的表演，讓大家每次都能看到不一樣的我。」
網民大嘆落敗可惜
不過大家嘅表演都非常出色，最終丞琳因為一票之差而輸咗畀對手吳莫愁，入唔到總決賽，但今次嘅比賽令佢搵番對跳舞嘅愛，唔少網民都話好可惜佢輸咗，仲大讚佢每次嘅表現都畀大家見到唔同嘅佢，總之一定會永遠支持佢！
網民有話兒：
VIXX BIXXC：佢一路以嚟嘅用心同進步，要大讚！
EIOSSD NXXK：丞琳跳得好好。
QIOASXX NXXB：合拍度超高，動作非常有美感。
PIVIX ASDX：永遠支持佢！
----------------------------
東網巨星開咗ig喇，大家快啲follow啦！