點錯相！陳家樂被認錯做何廣沛

唔少明星都試過喺街上畀途人認錯，好似許志安就曾經畀人認錯做杜德偉，鬧出笑話。呢日藝人陳家樂亦有同樣嘅情況發生，究竟佢畀人認錯做邊個呢？答案就係何廣沛啦！

陳家樂喺社交網發文，指今日有位媽媽見到佢，即刻好興奮叫仔仔嚟同佢合照，仔仔行到過嚟表示唔認得家樂，點知媽媽就話：「你好鍾意睇佢做戲㗎！之前你晚晚追㗎！超時空男臣wor！」而仔仔聽完之後就即刻表示認得，仲話：「我認得啦！你係何廣沛！」場面相當搞笑。雖然「點錯相」，但家樂一啲都冇嬲，佢仲表示：「為咗唔令佢哋失望...我決定唔解釋...」認真夠大方。